வங்கி கணக்கு, ‘ஹேக்கிங்’ : இந்தியர்கள் மீது சந்தேகம்

தைவான் நாட்டு வங்கியின் இணையதளத்தில் புகுந்து, ‘ஹேக்கிங்’ செய்து, 390 கோடி ரூபாய் திருடிய கும்பலைச் சேர்ந்த குற்றவாளியுடன், இரண்டு இந்தியர்களுக்கு தொடர்பு உள்ளதாக, இலங்கை போலீசார் சந்தேகம் தெரிவித்துள்ளனர்.
கிழக்கு ஆசிய நாடான தைவானில் உள்ள வங்கியின் இணையதளத்தில் புகுந்த ஒரு கும்பல், ‘ஹேக்கிங்’ செய்து, 390 கோடி ரூபாயைத் திருடியுள்ளது. இதில், ஒருவன், இலங்கையில் உள்ள தன் சொந்த வங்கி கணக்குக்கு, 7.15 கோடி ரூபாயை அனுப்பியுள்ளான்.
அதில் இருந்து, 50 லட்சம் ரூபாய் பணத்தை எடுத்து, இரண்டு இந்தியர்களிடம் கொடுத்துள்ளான். அதனால், அவர்களும், இந்த மோசடி கும்பலை சேர்ந்தவர்களாக இருக்கலாம் என, இலங்கை போலீசார் சந்தேகப்படுகின்றனர். அவர்களை போலீசார் தேடி வருகின்றனர்.