20ஐ அரசு கைவிட்­டால் 3 மாகாண சபைகளுக்கு டிசெம்பர் 9இல் தேர்தல்

அர­ச­மைப்­பின் 20ஆவது திருத்­தம் நிறை­வேற்­றப்­ப­டுமா இல்­லையா என்­பது தொடர்­பான குழப்­பம் தோன்­றி­யுள்­ள­போ­தும் திருத்­தம் கைவி­டப்­பட்டுத் தேர்­தல் நடத்­தப்­ப­டும் சூழல் ஏற்­பட்­டால் எதிர்­வ­ரும் டிசெம்­பர் 9ஆம் திகதி தேர்­தல் நடத்­தப்­ப­ட­லாம் என்று தெரி­கி­றது.
‘‘அர­ச­மைப்­பின் 20ஆவது திருத்­தம் கைவி­டப்­பட்­டால் கிழக்கு, வட­மத்தி, சப்­ர­க­முவ மாகாண சபை­க­ளுக்­கான தேர்­தல் டிசெம்­பர் 9ஆம் திகதி நடத்­தப்­ப­டு­வ­தற்கு வாய்ப்பு அதி­கம். அதற்­குத் தேர்­தல்­கள் திணைக்­க­ளம் தயா­ராக இருக்­கின்­றது” இவ்­வாறு மேல­தி­கத் தேர்­தல்­கள் ஆணை­யா­ளர் எம்.எம்.மொஹ­மட் ‘உத­யன்’ பத்­தி­ரி­கைக்­குத் தெரி­வித்­தார்.
இலங்கை அரசு அனைத்து மாகாண சபை­க­ளுக்­கும் ஒரே நாளில் தேர்­தல் நடத்­தும் நோக்­கு­டன் 20ஆவது திருத்­தச் சட்­ட­வ­ரைவை முன்­வைத்­தது. இதற்கு எதி­ராக உயர் நீதி­மன்­றில் வழக்­குத் தாக்­கல் செய்­யப்­பட்­டது. உயர் நீதி­மன்­றம், 20ஆவது திருத்­தச் சட்­டத்தை நிறை­வேற்ற பொது­வாக்­கெ­டுப்பு நடத்­த­வேண்­டும் என்று தனது விளக்­கத்தை சபா­நா­ய­க­ருக்­கும், அரச தலை­வ­ருக்­கும் அனுப்பி வைத்­துள்­ள­தா­கக் கூறப்­ப­டு­கி­றது.
அதைத் தொடர்ந்து மாகாண சபைத் தேர்­தல்­களை நடத்­தியே ஆக­வேண்­டிய கட்­டா­யத்­திற்கு அரசு தள்­ளப்­பட்­ட­தா­கக் கூறப்­ப­டு­கி­றது. ஆனால், அர­ச­மைப்­பின் 20ஆவது திருத்­தத்தை மீண்­டும் திருத்தி அதனை நிறை­வேற்­று­வ­தற்­கான முயற்­சி­க­ளில் அரசு ஈடு­ப­டு­வ­தா­க­வும் கொழும்பு அர­சின் தக­வல்­கள் கூறு­கின்­றன. இந்த நிலை­யில் தேர்­தலை நடத்­த­வேண்­டிய நிலை ஏற்­பட்­டால் அதற்­குத் தாம் தயா­ரா­கவே இருப்­ப­தா­கத் தேர்­தல்­கள் திணைக்­க­ளம் தெரி­வித்­தது. இது குறித்து மேல­தி­கத் தேர்­தல்­கள் ஆணை­யா­ளர் தெரி­வித்­த­தா­வது:
நாடா­ளு­மன்­றத்­தில் 20ஆவது திருத்­தச் சட்­ட­வ­ரைவு நிறை­வேற்­றப்­பட்­டால் மாத இறு­தி­யில் கலைக்­கப்­ப­டும் மூன்று மாகாண சபை­க­ளுக்­கு­மான தேர்­தல் நடை­பெ­றாது.
தேர்­தல் சட்­ட­வ­ரைவு நிறை­வேற்­றப்­ப­ட­வில்­லை­யா­யின், எதிர்­வ­ரும் 26ஆம் திகதி சப்­பி­ர­க­முவ மாகாண சபை, 30ஆம் திகதி கிழக்கு மாகாண சபை, ஒக்­ரோ­பர் முத­லாம் திகதி வட­மத்­திய மாகா­ண­சபை என்­பன கலைக்­கப்­ப­டும்.
1988ஆம் ஆண்டு 2ஆம் இலக்க மாகாண சபை­கள் சட்­டத்­தின் அடிப்­ப­டை­யில், மாகாண சபை­கள் கலைக்­கப்­பட்டு ஒரு வார காலத்­தி­னுள் வேட்­பு­மனு கோரப்­பட வேண்­டும். 26ஆம் திகதி கலைக்­கப்­ப­டும் சப்­பி­ர­க­முவ மாகா­ண­ச­பைக்கு ஒக்­ரோ­பர் 3ஆம் திக­திக்கு முன்­னர் வேட்­பு­மனு கோரு­தல் வேண்­டும். இதற்கு அமை­வாக மூன்று மாகாண சபை­க­ளுக்­கும் ஒக்­ரோ­பர் 2ஆம் திகதி வேட்­பு­மனு கோரப்­ப­டும்.
ஒக்­ரோ­பர் மாதம் 16ஆம் திகதி அல்­லது 23ஆம் திகதி நண்­ப­கல் 12 மணி­யு­டன் வேட்­பு­ம­னுத் தாக்­கல் முடி­வ­டை­யும். வேட்­பு­ம­னுத் தாக்­கல் முடி­வ­டைந்­த­தும் மிக விரை­வாக தேர்­தல் தினம் குறித்த வாக்­கெ­டுப்பு அறி­விப்பை தெரி­வத்­தாட்சி அலு­வ­லர் (மாவட்­டச் செய­லர்) வெளி­யிட வேண்­டும்.
வேட்­பு­ம­னுத் தாக்­கல் முடி­வ­டைந்­த­தி­லி­ருந்து, தேர்­தல் திக­தி­யா­னது 5 வாரத்­துக்கு குறை­ய­த­தா­க­வும் 8 வாரத்­துக்கு மேற்­ப­டா­த­தா­க­வும், சனிக்­கி­ழமை நடத்­தக் கூடி­ய­தா­க­வும் இருக்­க­வேண்­டும்.
இத­ன­டிப்­ப­டை­யில் டிசெம்­பர் மாதம் 2, 9, 16ஆம் திக­தி­கள் பொருத்­த­மாக உள்­ளன.
டிசெம்­பர் முத­லாம் திக­தி­யும், மூன்­றாம் திக­தி­யும் விடு­முறை தின­மாக இருப்­ப­தால் டிசெம்­பர் 2ஆம் திகதி தேர்­தலை நடத்த முடி­யாது.
டிசெம்­பர் 16ஆம் திகதி, ஜி.சி.ஈ. சாதா­ரண தரப் பரீட்சை நடை­பெ­றும் என்­ப­தால் அன்­றைய தின­மும் தேர்­தலை நடத்த முடி­யாது. எனவே டிசெம்­பர் 9ஆம் திக­தியே மூன்று மாகாண சபை­க­ளுக்­கும் தேர்­தலை நடத்த முடி­யும் என்­றார்.