ரஜினிகாந்தின் 66–வது பிறந்த நாளையொட்டி பிரதமர் நரேந்திர மோடி, நடிகர்கள் அமிதாப்பச்சன், ஷாருக்கான் உள்ளிட்ட பிரபலங்கள் வாழ்த்து தெரிவித்தனர்.
கொண்டாடவில்லைநடிகர் ரஜினிகாந்துக்கு நேற்று 66–வது பிறந்த நாள் ஆகும். முதல்–அமைச்சர் ஜெயலலிதாவின் மறைவை தொடர்ந்து தமிழகத்தில் பெரும் சோகம் நிலவி வருவதால், அவர் தனது பிறந்த நாளை கொண்டாடவில்லை.
மேலும் தனது பிறந்த நாளை கொண்டாட வேண்டாம் என ரசிகர்களையும் அவர் கேட்டுக்கொண்டு இருந்தார்.
மோடி வாழ்த்துரஜினிகாந்தின் பிறந்தநாளையொட்டி அவருக்கு பல்வேறு தலைவர்கள் வாழ்த்து தெரிவித்து உள்ளனர். பிரதமர் நரேந்திர மோடி தனது ‘டுவிட்டர்’ தளத்தில் வெளியிட்டுள்ள வாழ்த்து செய்தியில், ‘சூப்பர் ஸ்டார் ரஜினிகாந்துக்கு பிறந்தநாள் வாழ்த்துகள். சிறந்த உடல் நலத்துடன் நீண்டகாலம் வாழ வாழ்த்துகிறேன்’ என்று கூறியுள்ளார்.
இதைப்போல தி.மு.க. பொருளாளரும், தமிழக எதிர்க்கட்சி தலைவருமான மு.க.ஸ்டாலின், தமிழக பா.ஜனதா தலைவர் தமிழிசை சவுந்தரராஜன் உள்ளிட்ட அரசியல் தலைவர்களும் ரஜினிகாந்துக்கு வாழ்த்து தெரிவித்தனர்.
அமிதாப், ஷாருக்கான்பாலிவுட்டை சேர்ந்த ஏராளமான நடிகர்–நடிகைகளும் ரஜினிகாந்தை வாழ்த்தினர். இந்தி மெகா ஸ்டார் அமிதாப்பச்சன் டுவிட்டரில் வெளியிட்ட வாழ்த்து செய்தியில், ‘டிசம்பர் 12–ந்தேதி பிறந்தநாள் காணும் ரஜினிகாந்த் பெருமகிழ்ச்சியும், சிறந்த உடல்நலமும் பெற வாழ்த்துகிறோம்’ என்று கூறியுள்ளார்.
நடிகர் ஷாருக்கான் வெளியிட்ட வாழ்த்து செய்தியில், ‘சிறந்த மற்றும் மென்மையானவருமான ரஜினிகாந்த் மகிழ்ச்சி மற்றும் நலத்துடன் நீண்டகாலம் எங்களை மகிழ்ச்சி படுத்த வேண்டும். பிறந்த நாள் வாழ்த்துகள் தலைவா’ என்று தெரிவித்து உள்ளார்.
ரஜினிகாந்த் நன்றிமேலும் நடிகர்கள் அக்ஷய் குமார், அபிஷேக் பச்சன், அனுபம்கெர், நடிகை ஜூகி சாவ்லா உள்ளிட்டோரும் ரஜினிகாந்துக்கு வாழ்த்து தெரிவித்துள்ளனர். ரஜினிகாந்தின் கோடிக்கணக்கான ரசிகர்களும் அவருக்கு தொலைபேசி மற்றும் சமூக வலைத்தளங்கள் மூலமாக வாழ்த்து தெரிவித்தனர்.
தனக்கு பிறந்தநாள் வாழ்த்து கூறிய பிரதமர் மற்றும் தலைவர்களுக்கும், தனது ரசிகர்களுக்கும் ரஜினிகாந்த் நன்றி தெரிவித்து உள்ளார்.
