நடிகரும், தயாரிப்பாளரும், அரசியல்வாதியுமான ‘உலக நாயகன்’ கமல்ஹாசனின் நிறுவனம் தயாரிக்கும் பெயரிடப்படாத புதிய திரைப்படத்தில் நடிகர் சிலம்பரசன் கதையின் நாயகனாக நடிக்கிறார். ‘எஸ் டி ஆர் 48’ என தற்காலிகமாக பெயரிடப்பட்டிருக்கும் இப்படத்தைப் பற்றிய தகவல்கள் வெளியாகியுள்ளன.
‘கண்ணும் கண்ணும் கொள்ளையடித்தால்’ எனும் திரைப்படத்தை இயக்கிய இயக்குநர் தேசிங் பெரியசாமி இயக்கத்தில் தயாராகும் பெயரிடப்படாத புதிய படத்தில் நடிகர் சிலம்பரசன் கதையின் நாயகனாக நடிக்கிறார். இந்த திரைப்படத்தை ‘உலக நாயகன்’ கமலஹாசனின் ராஜ் கமல் ஃபிலிம் இன்டர்நேஷனல் தயாரிக்கிறது. கமல்ஹாசனுடன், ஆர். மகேந்திரன் இணைந்து இந்த படத்தை தயாரிக்கிறார். படத்தில் பணியாற்றும் தொழில்நுட்பக் கலைஞர்கள், நடிகர், நடிகைகள், படப்பிடிப்பு தொடங்கும் திகதி உள்ளிட்ட விடயங்கள் விரைவில் அதிகாரப்பூர்வமாக அறிவிக்கப்படும் என எதிர்பார்க்கப்படுகிறது.
‘மாநாடு’, ‘வெந்து தணிந்தது காடு’ விரைவில் வெளியாகவிருக்கும் ‘பத்து தல’ ஆகிய படங்களைத் தொடர்ந்து நடிகர் சிலம்பரசன் நடிக்கும் பிரம்மாண்டமான பட்ஜட் திரைப்படம் என்பதால் ‘எஸ்.டி.ஆர் 48’ ரசிகர்களிடம் பெரும் எதிர்பார்ப்பை ஏற்படுத்தி இருக்கிறது.
