விமல் வீரவங்ச, அமைச்சராகவிருந்த 5 வருட காலப் பகுதியில் தனது சம்பளத்தில் மற்றும் வருமானத்தில் சம்பாதிக்க முடியாத சுமார் 75 மில்லியன் ரூபா பணம் மற்றும் சொத்துக்களை வைத்திருந்ததாக அவருக்கு எதிராக இலஞ்ச ஊழல் விசாரணை ஆணைக்குழுவினால் தாக்கல் செய்யப்பட்ட வழக்கு மீண்டும் விசாரணைக்கு எடுத்துக்கொள்ளப்படவுள்ளது.
இந்த வழக்கை ஜனவரி 16ஆம் திகதி விசாரணைக்கு எடுப்பதற்கு கொழும்பு மேல் நீதிமன்ற நீதிபதி நவரத்ன மாரசிங்க நேற்று (28) திகதி நிர்ணயித்தார்.
அத்துடன், பிரதிவாதி சமர்ப்பித்த ஆரம்ப ஆட்சேபனையை அன்றைய தினம் அல்லது அதற்கு முன்னர் எழுத்துபூர்வமாக நீதிமன்றத்தில் தாக்கல் செய்யுமாறும் பிரதிவாதிக்கு உத்தரவிட்டப்பட்டது.
