வார இறுதியில் மின்வெட்டு தொடர்பான அறிவிப்பு

வார இறுதியில் மின்வெட்டை அமுல்படுத்துமாறு இலங்கை மின்சார சபை கோரிக்கை விடுத்துள்ளது.

அந்த வகையில், சனிக்கிழமை (23) 03 மணித்தியாலங்கள் 20 நிமிடங்களுக்கும், ஞாயிற்றுக்கிழமை (24) 03 மணித்தியாலங்களுக்கும் மின்வெட்டு அமுல்படுத்துமாறு இலங்கை மின்சார சபை கோரியுள்ளது.

அனல் மின் நிலையங்களுக்கு எரிபொருள் கிடைக்காத காரணத்தினால் வார இறுதி நாட்களில் மின்வெட்டுக்கு கோரிக்கை விடுக்கப்பட்டுள்ளது.

இதையடுத்து இலங்கை பொதுப் பயன்பாடுகள் ஆணைக்குழு (PUCSL) இலங்கை மின்சார சபையின் கோரிக்கைக்கு அனுமதி வழங்கப்பட்டுள்ளது.

இதன்படி, சனிக்கிழமை (23) காலை 9 மணி முதல் மாலை 5 மணி வரை 2 மணி நேரமும், மாலை 5 மணி முதல் இரவு 9 மணி வரை 1 மணி நேரம் 20 நிமிடங்களும் மின்வெட்டு அமுல்படுத்தப்படும்.

ஞாயிற்றுக்கிழமை (24) காலை 9 மணி முதல் மாலை 5:20 மணி வரை 1 மணி நேரம் 40 நிமிடங்களும், மாலை 5:20 மணி முதல் இரவு 9:20 மணி வரை 1 மணி நேரம் 20 நிமிடங்களும் மின்வெட்டு அமுல்படுத்தப்படும், எனத் தெரிவிக்கப்பட்டுள்ளது.

#No 1 TamilWebSite  | http://Facebook page / easy 24 news |  Easy24News –  யூடியூப் YouTube | [email protected]