எனதன்பு உறவுகளே. எமது தேசத்தின் மகத்துவம் நிறைந்த புலிக்கொடியை அதற்குரிய தருணங்களில் அதற்குரிய இடங்களில் பயன்படுத்துவோம். அதன் புனிதத்திற்குப் பொருத்தமற்ற இடங்களில் ஒருபோதும் ஏந்திச் செல்லாதிருப்போம்.
புலிக்கொடிக்கு என்று ஒரு வரலாறு இருக்கின்றது என்பதை நாம் ஒவ்வொருவரும் அறிவோம். புலிக்கொடி என்பது எங்கள் தேசத்துக்கானது. இந்த கொடியானது மாவீரர்களும் பொதுமக்களும் போராளிகளும் பத்து மாதம் ஒரு தாய் கருவை சுமப்பது போல் சுமந்திருக்கும் உன்னதமான கொடியாகும்.
எங்கள் கனவும் நம்பிக்கையும் ‘தமிழீழம்’ என்ற ஒன்றுதானே. என்றாவது ஒரு நாள் இப் புனித கொடியானது தமிழீழத்தைப் பிரசவிக்க போகின்றது. அப்பொழுது உலக நாடுகள் மத்தியில் எம் புலிக் கொடி உறுமியசைந்து பறக்கும். அதற்குரிய பொறுப்பையும் புனிதத்தையும் கொண்டு நடந்து தேசத்திற்காய் உழைப்போம்.
கிருபா பிள்ளை
#No 1 TamilWebSite 
| http://Facebook page / easy 24 news | Easy24News – YouTube | [email protected]
