நடிகர் ஆர். எஸ். கார்த்திக் கதையின் நாயகனாக நடித்திருக்கும் ‘என்னங்க சார் உங்க சட்டம்’ படத்தின் ஃபர்ஸ்ட் லுக் வெளியிடப்பட்டிருக்கிறது. இதனை நடிகர் ஜெயம் ரவி தன்னுடைய சமூக வலைதளப் பக்கத்தில் வெளியிட்டிருக்கிறார்.
அறிமுக இயக்குனர் பிரபு ஜெயராம் இயக்கத்தில் தயாராகி இருக்கும் முதல் திரைப்படம் ‘என்னங்க சார் உங்க சட்டம்’.
இந்த படத்தில் ‘பீச்சாங்கை’ என்ற படத்தின் மூலம் தமிழ் சினிமா இரசிகர்களுக்கு அறிமுகமான நடிகர் ஆர். எஸ். கார்த்திக் கதாநாயகனாக நடித்திருக்கிறார்.
அனு கிருஷ்ணா ராதா கிருஷ்ணன் ஒளிப்பதிவு செய்திருக்கும் இந்த படத்திற்கு, குணா பாலசுப்ரமணியன் இசை அமைத்திருக்கிறார்.
ஃபேஷன் ஸ்டுடியோ சார்பில் தயாரிப்பாளர்கள் சுதன் சுந்தரம் மற்றும் ஜி ஜெயராம் தயாரித்திருக்கும் இந்த படத்தின் ஃபர்ஸ்ட் லுக் நேற்று மாலை இணையத்தில் வெளியானது.
வித்தியாசமான உடை, சிகை அலங்காரத்துடன், கைகளிலும், உடலிலும் இசைக்கருவிகளுடன் இசைக் கலைஞரின் தோற்றத்தில் நாயகன் தோன்றுவதாலும், ‘என்னங்க சார் உங்க சட்டம்’ என்ற தலைப்பின் காரணமாகவும், இந்த ஃபர்ஸ்ட் லுக்கிற்கு இணையத்தில் எதிர்பார்த்ததைவிட கூடுதலான வரவேற்பு கிடைத்து வருகிறது.
_____________________________________________________________________________
