94 ஆவது ஒஸ்கர் விருது விழா அடுத்த ஆண்டு மார்ச் 27 ஆம் திகதி நடைபெறும் என அறிவிக்கப்பட்டுள்ளது.
திரைத்துறையின் மிக உயரிய விருதுகளில் ஒன்றாகவும், திரைக்கலைஞர்களுக்கு அளிக்கப்படும் மிகப்பெரிய கௌரவமாகவும் ஒஸ்கர் விருது கருதப்படுகிறது.
ஒவ்வொரு ஆண்டும் இந்த விருதுகளை வழங்கும் விழாவானது, அமெரிக்காவில் மிக பிரம்மாண்டமாக நடைபெறும்.
இந்த ஆண்டு கொரோனா பரவல் காரணமாக இரண்டு மாதங்கள் தாமதமாக ஏப்ரல் 25 ஆம் திகதி ஒஸ்கர் விருது வழங்கும் விழா நடைபெற்றது.
இதனை தொடர்ந்து 2022 ஆம் ஆண்டு நடைபெற இருக்கும் 94 ஆவது ஒஸ்கர் விருது விழாவிற்கான திகதி அறிவிக்கப்பட்டுள்ளது.
இதன்படி பெப்ரவரி மாதம் நடைபெறும் என்று எதிர்பார்க்கப்பட்ட விழாவானது, ஒரு மாதம் தாமதமாக மார்ச் 27 ஆம் திகதி நடைபெறும் என்று அறிவிக்கப்பட்டுள்ளது.
ஹொலிவுட்டின் டால்பி தியேட்டரில் விழா நடக்கும் என்று ஒஸ்கர் அகாடமி தெரிவித்துள்ளது.
