ஹங்வெல்ல பழைய வீதியிலுள்ள அம்புல்கம சந்தியில் நேற்று (15) இரவு இடம்பெற்ற துப்பாக்கிச் சூட்டுச் சம்பவத்தில் ஒருவர் உயிரிழந்துள்ளதாகவும், மற்றுமொருவர் காயமடைந்துள்ளதாகவும் பொலிஸ் ஊடகப் பிரிவு தெரிவித்துள்ளது.
வேன் ஒன்றில் வந்த இனந்தெரியாத நபர்கள் இவ்வாறு துப்பாக்கிப் பிரயோகம் மேற்கொண்டுவிட்டு தப்பிச் சென்றுள்ளதாக குறிப்பிடப்படுகின்றது. இந்த துப்பாக்கிப் பிரயோகத்துக்கான காரணம் என்னவென்பது இதுவரை அறியப்படாதுள்ளதாகவும் கூறப்படுகின்றது.
இந்த துப்பாக்கிச் சூட்டில் 23 வயதுடைய சுரேஸ் சுவந்த என்பவர் உயிரிழந்துள்ளார். 26 வயதுடைய வஜிர குமார என்பவர் காயமடைந்துள்ளார். காயமடைந்தவர் ஹோமாகம வைத்தியசாலையில் அனுமதிக்கப்பட்டுள்ளார். ஹங்வெல்ல பொலிஸார் மேலதிக விசாரணைகளை மேற்கொண்டு வருவதாகவும் பொலிஸ் ஊடகப் பிரிவு மேலும் கூறியுள்ளது.
