சத்யராஜ் பாலிவுட் பட ஹீரோக்களுக்கு நிகரான கலர், உயரம் என 80, 90களில் தமிழ் சினிமாவையே கலக்கிய நடிகன். வில்லனாக அறிமுகமானாலும் கமல்ஹாசன் தயாரிப்பில் கடமை, கண்ணியம், கட்டுப்பாடு படத்தின் மூலம் ஹீரோவாக அறிமுகமானார்.

தனக்கே உரிய லொல்லில் கவுண்டமணியுடன் இணைந்து இவர் அடிக்கும் லூட்டிகளுக்கு அளவே இருக்காது, இன்று இல்லை, நேற்று இல்லை என்றுமே இவர்கள் கூட்டணிக்கு வேறு சாய்ஸே இல்லை என்று தான் கூறவேண்டும்.

ஹீரோவாக கலக்கிய அதே நேரத்தில் ரஜினி, கமலுக்கு வில்லனாக நடித்தார், தற்போதும் குணச்சித்திர கதாபாத்திரத்தில் கலக்கி வருகிறார், அதிலும் கட்டப்பாவின் ரீச் நாங்கள் சொல்லி தெரிய வேண்டியது இல்லை. பொறுப்பான லீடராக தலைவா, ஸ்ட்ரிட்டான ஆசரியராக நண்பன், கலகலப்பான வில்லனாக வருத்தப்படாத வாலிபர் சங்கம் என பல படங்களில் கலக்கி வருகிறார்.

இவர் இன்று போல் என்றும் சந்தோஷமாகவும், இந்திய அளவில் நடிப்பில் பல சாதனைகள் செய்யவும் இவரின் பிறந்தநாளான இன்று சினி உலகம் தன் வாழ்த்துக்களை தெரிவித்துக்கொள்கின்றது.