குருதிப் புற்றுநோயால் பாதிக்கப்பட்டிருந்த குடும்பப் பெண் தனக்குத்தானே தீ மூட்டி பரிதாபகரமாக உயிரிழந்தார் என்று தெரிவிக்கப்பட்டது.
கல்வியங்காடு, ஜி.பி.எஸ் வீதியைச் சேர்ந்த பிரபாகரன் ஜெயமலர் (வயது – 43) என்பவரே
உயிரிழந்தார்.
இவர் தெல்லிப்பழை ஆதார மருத்துவ மனையில் சிகிச்சை பெற்று வந்துள்ளார். மன அழுத்தத்துக்குள்ளாகி இருந்தார் என்றும் தெரிவிக்கப்படுகிறது.
ஒன்றரை மாதங்களுக்கு முன்னர் உடலில் தீ பற்றிய நிலையில் வீட்டின் பின்புறமாகக் காணப்பட்ட அவர் தெல்லிப்பழை ஆதார மருத்துவமனையில் சேர்க்கப்பட்டார்.
மேலதிக சிகிச்சைக்காக யாழ்ப்பாணம் போதனா மருத்துவமனைக்கு மாற்றப்பட்டார். சிகிச்சை பயனளிக்காது நேற்று முன்தினம் மாலை உயிரிழந்தார்.
கோப்பாய் பொலிஸார் மற்றும் திடீர் இறப்பு விசாரணை அதிகாரி ந.பிறேமகுமார் விசாரணை மேற்கொண்டனர். சடலம் கணவரிடம் ஒப்படைக்கப்பட்டது.
