முல்லைத்தீவு நகரத்தில் கட்டாக்காலி நாய்கள் அதிகரித்துக்காணப்படுவதனால் நாய்க்கடிக்கு இலக்காவோரின் எண்ணிக்கை அதிகரித்துக்காணப்படுவதுடன், அடிக்கடி விபத்துக்களும் ஏற்படுகின்றன.
முல்லைத்தீவு நகரம், முல்லைத்தீவு பஸ் நிலையம் மற்றும் நகரத்தின் பல்வேறு பகுதிகளில் கட்டாக்காலி நாய்களின் தொல்லை அதிகளவில் காணப்படுகின்றன.
குறிப்பாக, இந்தப்பிரதேசத்தில் 25 -35 இற்கும்மேற்பட்ட நாய்கள் கூட்டம் கூட்டமாக வீதிகளில் நடமாடுவதனால் போக்குவரத்தில் ஈடுபடுவோர் பெரும் சிரமங்களை எதிர்கொள்ளும் அதேநேரம் இந்த கட்டாக்காலி நாய்களால் அடிக்கடி விபத்துக்களும் ஏற்படுகின்றன.
இதேவேளை நகரப்பகுதியில் அதிகரித்துக்காணப்படும் நாய்களினால் பல்வேறு சிரமங்களை எதிர்கொள்வதுடன், பெருமளவானோர் நாய்க்கடிக்கு இலக்காகியும் வருகின்றனர்.
முல்லைத்தீவு நகரத்தில் உள்ள படைமுகாம்கள் பொலிஸ் நிலையம், போன்ற பகுதிகளில் இந்த கட்டாக்காலி நாய்களின் பெருக்கம் அதிகரித்துக்காணப்படுவதாக பல்வேறு தரப்பினரும் சுட்டிக்காட்டியுள்ளனர்.
