உலகம் முழுவதுமே போக்கிமேன் கோ விளையாட்டுக்கு அடிமையாகும் நபர்களின் எண்ணிக்கை நாளுக்கு நாள் அதிகரித்துக் கொண்டே செல்கின்றது.

இதனால் ஏற்பட்ட விபத்துகளின் எண்ணிக்கை அதிகம், இந்நிலையில் பிரான்சில் தொலைந்து போன மூதாட்டி ஒருவரை போக்கிமேன் கோ விளையாடிக் கொண்டிருந்த நபர்கள் கண்டுபிடித்து கூறியுள்ளனர்.

பிரான்சை சார்ந்த 60 வயது மதிக்கத்தக்க மூதாட்டி ஒருவர் கடந்த வெள்ளிக்கிழமை காணாமல் போயுள்ளார், இவரை கண்டுபிடித்து தருமாறு மூதாட்டியின் கணவர் பொலிசில் புகார் அளித்துள்ளார்.

எனினும் பொலிசாரால் இவரை கண்டுபிடிக்க முடியவில்லை. இந்நிலையில் 23 மணிநேரங்களுக்கு பின்னர், Annonay பகுதியில் குடிபோதையில் மரங்களுக்கு நடுவே மூதாட்டி ஒருவர் சிக்கியிருப்பதாக பொலிசுக்கு தகவல் கிடைத்துள்ளது.

போக்கிமேனை தேடி அந்த வழியே சென்ற ஆறு பேர் மூதாட்டியை பார்த்து தகவல் அளித்துள்ளனர்.

உடனடியாக விரைந்து வந்த பொலிஸ் அதிகாரிகள் மூதாட்டியை மீட்டதுடன் அவரது கணவரிடம் ஒப்படைத்துள்ளனர்.