வவுனியா எல்லப்பர் மருதங்குளத்தில் தேக்கு மரக்கடத்தலில் ஈடுபட்ட 04 பேர் பொலிஸாரால் கைது செய்யப்பட்டுள்ளனர்.
வவுனியா குற்றத்தடுப்பு பிரிவு பொலிஸ் அதிகாரிக்கு கிடைத்த தகவலினை அடுத்து, மொரட்டுவ பகுதியை சேர்ந்த கனரக வாகனம் ஒன்றில் ஏற்றிச்சென்ற இரண்டு இலட்சம் ரூபா பெறுமதியான 20 தேக்குமரக்குற்றிகளை பொலிஸார் கைப்பற்றியுள்ளனர்.
அத்துடன் இக்கடத்தலில் ஈடுபட்ட மொரட்டுவ பகுதியை சேர்ந்த இருவரையும், குடாக்கச்சக்கொடியை சேர்ந்த இருவரையும் கைது செய்ததோடு தேக்கு மரத்தினை ஏற்றிச்செல்ல பயன்படுத்திய வாகனமும் கைப்பற்றப்ட்டுள்ளது.
இந்த கடத்தல் சம்பவம் தொடர்பிலான மேலதிக விசாரணைகளை வவுனியா குற்றத்தடுப்பு பொலிஸார் முன்னெடுத்து வருகின்றனர்.
