கடந்த 2014ம் ஆண்டு சர்வதேச டெஸ்ட் போட்டியிலிருந்து ஓய்வு பெற்ற டோனி, டெஸ்ட் போட்டிகளில் தொடர்ச்சியாக 11 போட்டிகளில் வெற்றி பெற்று சாதனை படைத்திருந்தார் என்பது நினைவுக் கூரதக்கது.

இந்நிலையில் கான்பூர் டெஸ்டில் இந்திய அணி வெற்றிப்பெற்ற போது தொடர் டெஸ்ட் வெற்றியை குவித்த இந்திய அணித்தலைவர் பட்டியலில் கோஹ்லி டோனியின் சாதனையை சமன் செய்தார்.

தற்போது கொல்கத்தாவில் உள்ள ஈடன் கார்டன் மைதானத்தில் நடந்த நியூசிலாந்துக்கு எதிரான 2வது டெஸ்ட் போட்டியிலும் வெற்றி பெற்றதால் 12 தொடர் வெற்றிகளை பெற்று டோனியின் சாதனையை முறியடித்துள்ளார் கோஹ்லி.

தொடர் வெற்றிகளை குவித்த இந்திய டெஸ்ட் அணித்தலைவர் பட்டியலில் கோஹ்லி 4 வது இடத்தை பிடித்துள்ளார்.

சுனில் கவாஸ்கர் 18 தொடர் வெற்றியுடன் முதலிடத்திலும், கபில் தேவ் 17 தொடர் வெற்றியுடன் 2வது இடத்திலும், அசாருதீன் 14 வெற்றியுடன் 3வது இடத்திலும், விராட் கோஹ்லி 12 வெற்றியுடன் 4வது இடத்திலும், டோனி 11 வெற்றியுடன் 5வது இடத்திலும் உள்ளனர்.