அமெரிக்க ஜனாதிபதி தேர்தலில் வெற்றி பெற்றுள்ள டொனால்ட் டிரம்பை சீன ஊடகங்கள் கடுமையாக விமர்சித்து செய்தி வெளியிட்டு வருகின்றன.

அமெரிக்காவின் புதிய ஜனாதிபதியாக குடியரசு கட்சித்தலைவர் டொனால்ட் டிரம்ப் தெரிவு செய்யப்பட்டார்.

அவர் அடுத்தாண்டு ஜனவரி மாதம் 20ஆம் திகதி அமெரிக்காவின் 45வது ஜனாதிபதியாக பொறுப்பு ஏற்க உள்ளார்.

முன்னதாக தேர்தல் பிரசாரத்தின் போது டிரம்ப் சீனாவை கடுமையாக விமர்சித்து பேசி இருந்தார்.

சீனாவால் அமெரிக்க பொருளாதாரத்தில் இழப்பு ஏற்படுவதாக பல்வேறு விமர்சங்களை முன் வைத்திருந்தார்.

இந்நிலையில் அமெரிக்க ஜனாதிபதி தேர்தலில் டிரம்ப் வெற்றி பெற்றதற்கு அதிருப்தி தெரிவித்து சீன ஊடகங்கள் செய்தி வெளியிட்டு வருகின்றன.

தவிர, தன்னிச்சையாக செயல்படும் கொள்கை மற்றும் தலையீட்டுவாதத்தை மாற்றி, சீனாவுடன் சமநிலையான உறவை தக்கவைத்துக் கொள்ள வேண்டும் எனவும் ட்ரம்ப்பிற்கு எச்சரிக்கை விடுத்துள்ளன.