சூப்பரான ஸ்நாக்ஸ் முட்டை பேஜோ

குழந்தைகளுக்கு முட்டை என்றால் மிகவும் பிடிக்கும். இன்று முட்டையை வைத்து சூப்பரான ஸ்நாக்ஸ் முட்டை பேஜோ செய்வது எப்படி என்று பார்க்கலாம்.

தேவையான பொருட்கள்

முட்டை – 2

வெங்காயம் – 2
பூண்டு – 1
காய்ந்த மிளகாய் – 10
உப்பு கலந்த தண்ணீர் – தேவையான அளவு
எலுமிச்சை சாறு – தேவையான அளவு
புளித்தண்ணீர் – தேவையான அளவு
கொத்தமல்லி தழை – சிறிதளவு
மிக்ஸ்டு ஆயில் – தேவையான அளவு

செய்முறை

முட்டையை வேக வைத்துகொள்ளவும்.

வெங்காயம், பூண்டை நீளவாக்கில் மெலிதாக நறுக்கி கொள்ளவும்.

கொத்தமல்லியை பொடியாக நறுக்கி கொள்ளவும்.

கடாயில் பொரிப்பதற்கு தேவையான எண்ணெய் ஊற்றி சூடானதும் வெங்காயத்தை போட்டு பொரித்து கொள்ளவும். (மொறு மொறு என்று பொரிந்திருக்க வேண்டும்)

அடுத்து பூண்டைபோட்டு அதே போல் பொரித்து கொள்ளவும்.

அடுத்து காய்ந்த மிளகாயை போட்டு பொரித்து எடுக்கவும்.

காய்ந்த மிளகாயை கைகளால் நொறுக்கி கொள்ளவும்.

ஒரு பாத்திரத்தில் பொரித்த வெங்காயம், பூண்டைபோட்டு நன்றாக கலந்து கொள்ளவும்.

அடுத்து அதில் தேவையான அளவு ( காரத்திற்கேற்ப) நொறுக்கிய வறுத்த மிளகாயை சேர்த்து கலந்து கொள்ளவும்.

ஒரு முட்டையை எடுத்து நடுவில் சிறிதளவு கீறிக் அதன் நடுவில் வறுத்த வெங்காய மசாலாவை சிறிதளவு வைத்து மேலே சிறிதளவு உப்பு தண்ணீர், எலுமிச்சை சாறு, புளிக்கரைசல், மிக்ஸ்டு ஆயில் ஊற்றி மேலே கொத்தமல்லி தழை வைத்து பரிமாறவும்.

சூப்பரான முட்டை பேஜோ ரெடி.

#No 1 TamilWebSite  | http://Facebook page / easy 24 news |  Easy24News – YouTube | [email protected]