கமல்ஹாசனின் அண்ணன் சாருஹாசன், ஹீரோவாக நடிக்கும் படம் தாதா 87. இதில் அவருக்கு ஜோடியாக கீர்த்தி சுரேஷின் பாட்டி சரோஜா நடிக்கிறார். இவர்கள் தவிர ஜனகராஜ் முக்கிய கேரக்டரில் நடிக்கிறார். விஜய்ஸ்ரீ என்ற புதுமுகம் இயக்குகிறார். லியாண்டர் லீ மார்ட்டின் இசை அமைக்கிறார். இந்தப்படத்தில் இடம்பெறும் பாடல் ஒன்று சமீபத்தில் வீடியோ வடிவில் வெளியிடப்பட்டது. “ஒருநிமிஷம் தலை சுத்திருச்சு…” என்று தொடங்குகிறது அந்தப் பாடல், ரஜினிகாந்த் ஒரு பேட்டியின்போது “நிருபர் என்னிடம் உங்கள் கட்சி கொள்கை என்ன என்று கேட்டார், ஒரு நிமிஷம் எனக்கு தலை சுத்திருச்சு” என்று கூறியிருந்தார். இந்த பேச்சு அப்போது வைரலாக பரவியது. ரஜினியின் இந்த வாய்சை கொண்டே பாடல் வெளிவந்திருப்பது வைரலாக பரவி வருகிறது. முழுக்க முழுக்க நடன கலைஞர்கள் ஆடிப்பாடுவதாக இதன் வீடியோ உள்ளது. பாடலின் இறுதியில் ரஜினி சிரிப்பது மாதிரியாக முடிகிறது.