திருப்பதியில் உள்ள கோதண்டராமசாமி கோவிலில் இந்த மாதம் (ஜூலை) நடக்க உள்ள திருவிழாக்களை பற்றிய விவரங்களை கோவில் நிர்வாகம் அறிவித்துள்ளது.
திருப்பதி கோதண்டராமசாமி கோவிலில் இந்த மாதம் (ஜூலை) நடக்கும் விழாக்கள் அறிவிக்கப்பட்டுள்ளது. அதன் விவரம் வருமாறு:-
ஜூலை மாதத்தில் வரும் 3, 10, 17, 24, 31-ந்தேதிகளில் (சனிக்கிழமை) காலை 6 மணியளவில் மூலவர் ராமர், சீதா, லட்சுமணருக்கு சிறப்பு அபிஷேகமும், இரவு 7 மணிக்கு ஊஞ்சல் சேவையும் நடக்கிறது.
9-ந்தேதி அமாவாசையையொட்டி காலை 6.30 மணியளவில் சஹஸ்ர கலஷாபிஷேகம் நடக்கிறது.
10-ந்தேதி காலை 11 மணியளவில் புனர்பூசம் நட்சத்திரத்தையொட்டி சீதா, ராமர் திருக்கல்யாண உற்சவம் நடக்கிறது.
16-ந்தேதி மாலை 4 மணிக்கு ஆனி வார ஆஸ்தானமும், 24-ந்தேதி காலை 9 மணியளவில் பவுர்ணமியையொட்டி அஷ்டோத்திர சத கலசாபிஷேகமும் நடக்க உள்ளது
