இந்தியாவில் தங்கியிருந்த இலங்கை அகதிகளில் 452 பேர் தமது தாயகம் திரும்பியுள்ளதாக தெரிவிக்கப்பட்டுள்ளது.

இலங்கை இந்திய அரசாங்கங்கள் மற்றும் ஐக்கிய நாடுகளின் அகதிகளுக்கான உயர்ஸ்தானிகரகம் ஆகியவற்றின் ஆதரவுடன் இவர்கள் 2015-2016ஆம் ஆண்டு காலப்பகுதியில் தாயகம் திரும்பியுள்ளனர்.

இந்த தகவலை இந்தியாவின் பொதுத்துறை திணைக்களம் வெளியிட்டுள்ளது.

2014-2015ஆம் ஆண்டுகளில் 396 பேரே தாயகம் திரும்பியிருந்தனர்.

இதேவேளை, அகதிகள் தமது சொந்தவிருப்பத்தின்பேரிலேயே தாயகம் திரும்புவதற்கான வாய்ப்புக்கள் வழங்கப்படுகின்றன என்றும் திணைக்களம் தெரிவித்துள்ளமை குறிப்பிடத்தக்கது.