மத்திய அமெரிக்க நாட்டை சேர்ந்த El Salvador – வில் நெடுஞ்சாலையில் நபர் ஒருவர் விபத்தில் சிக்கியுள்ளார்.

எதிரே வந்த வாகனம் ஒன்று இவரது கார் மீது மோதியதில், விபத்துக்குள்ளான இவர் அப்பகுதியில் உள்ள புல்வெளியில் காயங்களுடன் உயிருக்கு போராடியபடி விழுந்து கிடக்கிறார்.

அப்போது, அங்கு வந்த தொலைக்காட்சி நிருபர், இவரின் உயிரை காப்பாற்றுவதை விட்டு, அந்நபரிடம் பேட்டி கண்டுள்ளார், இங்கு என்ன நடந்தது? எதிரே வாகனம் வந்ததை பார்த்தீர்களா? என கேட்கிறார். அதற்கு அந்நபர் இல்லை என்று கூறுகிறார்.

இதற்கு அடுத்ததாக, அந்த நிருபர் அதிர்ச்சியளிக்கும் கேள்வியை கேட்கிறார், நீங்கள் மருத்துவமனை செல்ல விரும்புகிறீர்களா? இவர் இந்த கேள்வியை கேட்ட சில நிமிடங்களிலேயே விபத்திற்குள்ளா நபர் இறந்துவிடுகிறார்.

தற்போது இதுதொடர்பான வீடியோ வெளியாகி, பல்வேறு கண்டனங்களுக்கு ஆளாகியுள்ளது.