தென்ஆப்பிரிக்கா சுற்றுப்பயணம் செய்துள்ள அவுஸ்திரேலிய அணி, 5 ஒருநாள் போட்டிகள் கொண்ட தொடரில் பங்கேற்கிறது.

முதல் 3 போட்டிகளிலும் தென்ஆப்பிரிக்கா வெற்றி பெற்ற நிலையில், 4வது ஒருநாள் போட்டி இன்று நடைபெற்றது.

இதில் முதலில் துடுப்பெடுத்தாடிய அவுஸ்திரேலியா அபாட் பந்துவீச்சில் திணறியது. இதனால் அந்த அணி 36.4 ஓவரிலே அனைத்து விக்கெட்டையும் இழந்து 167 ஓட்டங்களே பெற்றது.

அந்த அணி சார்பில் அதிகபட்சமாக மிட்செல் மார்ஷ் (50), மாத்யூ வாடே (52) ஆகியோர் அரைசதம் அடித்தனர்.

தென் ஆப்பிரிக்கா அணி சார்பில் அபாட் 4 விக்கெட்டையும், ஷமிஸி 3 விக்கெட்டையும் கைப்பற்றினர்.

இதன் பின்னர் 168 ஓட்டங்கள் எடுத்தால் வெற்றி என களமிறங்கிய தென்ஆப்பிரிக்கா 35.3 ஓவரிலே இலக்கை எட்டி 6 விக்கெட்டுகள் வித்தியாசத்தில் வெற்றி பெற்றது.

அந்த அணி சார்பில் டுபிளசி 69 ஓட்டங்கள் எடுத்து அணியின் வெற்றிக்கு உதவினார்.

ஏற்கனவே தொடரை கைப்பற்றியுள்ள தென் ஆப்பிரிக்கா இந்த வெற்றியின் மூலம் 4-0 என முன்னிலையில் உள்ளது.