அஜீத்தை அரசியலுக்கு அழைக்கும் சுசீந்திரன்

நடிகர்கள் அரசியலுக்கு வருவது புதிதில்லை. அண்ணாதுரை தொடங்கி ஜெயலலிதா வரை சினிமாவில் இருந்தவர்கள்தான். சிவாஜி, கே.பாக்யராஜ், டி.ராஜேந்தர், விஜயகாந்த், சரத்குமார், கார்த்தி என பலரும் தனிக்கட்சி தொடங்கி அரசியல் நடத்துகிறவர்கள். தற்போது கமல்ஹாசன் தொடங்கியிருக்கிறார். விரைவில் ரஜினி தொடங்க இருக்கிறார். இந்த நிலையில் நடிகர் அஜீத்தை அரசியலுக்கு அழைத்திருக்கிறார் இயக்குனர் சுசீந்திரன். இது தொடர்பாக அவர் வெளியிட்டுள்ள அறிக்கையில் கூறியிருப்பதாவது:

40 ஆண்டுகால திராவிட அரசியலில் மாற்றத்தை உருவாக்க உங்கள் ஒருவரால் மட்டுமே முடியும், தமிழக மக்களின் நலன் கருதி உங்களை மக்கள் பணிக்கு அழைக்கிறேன். இதுதான் 100 சதவிகிதம் சரியான தருணம். வா தலைவா… மாற்றத்தை உருவாக்கு… உங்களுக்காக காத்திருக்கும் பலகோடி மக்களில் நானும் ஒருவன். என்று அந்த அறிக்கையில் குறிப்பிட்டிருக்கிறார்.