ஃபைசர் தடுப்பூசியின் மேலும் 80,000 டோஸ்கள் இன்று நாட்டை வந்தடைந்துள்ளன.
கட்டார் ஏயர்லைன்ஸ் விமானத்தின் மூலமாக 476 கிலோ கிராம் எடையுள்ள இந்த அளவுகள் இன்று அதிகாலை 2.15 மணியளவில் கட்டுநாயக்க, பண்டாரநாயக்க சர்வதேச விமான நிலையத்தை வந்தடைந்துள்ளன.
பின்னர் அவை பாதுகாப்பாக தரையிறக்கம் செய்யப்பட்டு, அரச மருந்தக கூட்டுத்தாபனத்தின் களஞ்சியசாலைக்கு எடுத்துச் செல்ல நடவடிக்கையும் முன்னெடுக்கப்பட்டது.
இதனிடையே சீனாவிடமிருந்து மேலும் ஒரு மில்லியன் சினோபார்ம் தடுப்பூசிகள் நாளை நாட்டை வந்தடையவுள்ளது.
