புத்தளம் – ஆண்டிகம பிரதான வீதியின் கீரியங்கள்ளி பிரதேசத்தில் இன்று (09) காலை இடம்பெற்ற வாகன விபத்தில் இளைஞனொருவர் உயிரிழந்துள்ளதுடன், ஏழு பேர் காயமடைந்துள்ளனர்.
ஆண்டிகம பிரதேசத்தில் இருந்து கீரியங்கள்ளி நோக்கி வேகமாக பயணித்த வான் வேகக் கட்டுப்பாட்டை இழந்து கீரியங்கள்ளிப் பிரதேசத்தில் உள்ள பாலத்துடன் மோதி விபத்துக்கு உள்ளாகியுள்ளது.
இதன்போது வானில் பயணித்த 8 இளைஞர்களில் ஒருவர் ஸ்தலத்தில் உயிரிழந்துள்ளதுடன், ஏனைய ஏழு பேரும் காயமடைந்து முந்தல் மாவட்ட வைத்தியசாலையில் அனுமதிக்கப்பட்டுள்ளனர்.
எனினும் சாரதிக்கு காயம் ஏற்படவில்லை. சம்பவத்தை அடுத்து விபத்துடன் தொடர்புடைய வான் சாரதி கைது செய்யப்பட்டுள்ளார்.
