தமிழ் திரையுலகின் முன்னணி நகைச்சுவை நாயகனான யோகி பாபு கதையின் நாயகனாக நடிக்கவிருக்கும் புதிய திரைப்படத்திற்கு ‘வானவன்’ என பெயரிடப்பட்டு, இதற்கான மோசன் போஸ்டர் வெளியிடப்பட்டிருக்கிறது.
இதனை ‘இசை அசுரன்’ ஜி.வி. பிரகாஷ் குமார் மற்றும் இயக்குநர் மடனோ அஸ்வின் ஆகியோர் இணைந்து வெளியிட்டனர்.
அறிமுக இயக்குநர் சஜின் கே. சுரேந்திரன் இயக்கத்தில் தயாராகும் முதல் தமிழ் திரைப்படம் ‘வானவன்’. இதில் யோகி பாபு கதையின் நாயகனாக நடிக்கிறார்.
இவருடன் ரமேஷ் திலக், காளி வெங்கட், லட்சுமி பிரியா சந்திர மௌலி, மாஸ்டர் சக்தி ரித்விக், பிரார்த்தனா நாதன், கல்கி ராஜா உள்ளிட்ட பலர் நடித்திருக்கிறார்கள்.
பவி கே. பவன் ஒளிப்பதிவு செய்திருக்கும் இந்த திரைப்படத்திற்கு கோவிந்த் வசந்தா இசையமைத்திருக்கிறார். இந்தத் திரைப்படத்தை ஈடன் ஃபிளிக்ஸ் புரொடக்ஷன்ஸ் எனும் பட நிறுவனம் சார்பில் தயாரிப்பாளர் தாமஸ் ரென்னி ஜார்ஜ் தயாரித்திருக்கிறார்.
இப்படத்தின் டைட்டில் மற்றும் டைட்டிலுக்கான மோசன் போஸ்டரை யோகி பாபுவின் பிறந்தநாளன்று படக்குழு வெளியிட்டு, அவருக்கு வாழ்த்து தெரிவித்திருக்கிறார்கள். டைட்டில் லுக்கில் யோகி பாபுவின் தோற்றம் ரசிகர்களை வெகுவாக கவர்ந்திருக்கிறது.
