இங்கிலாந்து அணி அசத்தல் வெற்றி

பாகிஸ்தானுக்கு எதிரான முதல் டெஸ்டில் பட்லர், வோக்ஸ் அரைசதம் கடந்து கைகொடுக்க இங்கிலாந்து அணி 3 விக்கெட் வித்தியாசத்தில் வெற்றி பெற்றது.

இங்கிலாந்து சென்றுள்ள பாகிஸ்தான் அணி, மூன்று போட்டிகள் கொண்ட டெஸ்ட் தொடரில் பங்கேற்கிறது. முதல் டெஸ்ட் மான்செஸ்டரில் நடந்தது. முதல் இன்னிங்சில் பாகிஸ்தான் 326, இங்கிலாந்து 219 ரன்கள் எடுத்தன. மூன்றாம் நாள் முடிவில், 2வது இன்னிங்சில் பாகிஸ்தான் அணி 8 விக்கெட்டுக்கு 137 ரன்கள் எடுத்திருந்தது. யாசிர் ஷா (12), முகமது அபாஸ் (0) அவுட்டாகாமல் இருந்தனர்.

நான்காம் நாள் ஆட்டத்தில் ஜோப்ரா ஆர்ச்சர் வீசிய 45வது ஓவரில் தொடர்ச்சியாக 2 பவுண்டரி அடித்த யாசிர் ஷா (33), ஸ்டூவர்ட் பிராட் ‘வேகத்தில்’ வெளியேறினார். ஆர்ச்சர் பந்தில் நசீம் ஷா (4) போல்டானார். இரண்டாவது இன்னிங்சில் பாகிஸ்தான் அணி 169 ரன்னுக்கு ‘ஆல்–அவுட்’ ஆனது. முகமது அபாஸ் (3) அவுட்டாகாமல் இருந்தார். இங்கிலாந்து சார்பில் பிராட் 3, வோக்ஸ், ஸ்டோக்ஸ் தலா 2 விக்கெட் கைப்பற்றினர்.