சசி இயக்கத்தில் சித்தார்த்துடன் இணைந்து ஜி.வி.பிரகாஷ் நடித்துள்ள ‛சிவப்பு மஞ்சள் பச்சை’ படம், கடந்த வாரம் வெளியானது. படத்திற்கு விமர்சன ரீதியாக வரவேற்பும் கிடைத்துள்ளது. குறிப்பாக ஜி.வி.பிரகாஷின் நடிப்புக்கும் பாராட்டுகள் கிடைத்துள்ளன. அடுத்து அவரது ‛100% காதல், ஐங்கரன், அடங்காதே, ஜெயில்’ போன்ற படங்கள் ரிலீசுக்கு தயாராகிக் கொண்டிருக்கின்றன.
இதையடுத்து தனது புதிய பட அறிவிப்பை டுவிட்டரில் வெளியிட்டுள்ளார் ஜி.வி.பிரகாஷ்குமார். அதில், தனது புதிய படத்தை சதீஷ் செல்வகுமார் இயக்கத்தில் ஆக்சஸ் பிலிம் பேக்டரி நிறுவனம் சார்பில் டில்லி பாபு தயாரிப்பதாகவும், படத்தின் பர்ஸ்ட்லுக், நாளை (செப்.,11) மாலை 6 மணிக்கு வெளியாகும் என தெரிவித்துள்ளார். இப்படத்தில் ஜி.வி.பிரகாஷ் ஜோடியாக திவ்யாபாரதி என்ற மாடல் அழகி நடிக்க இருப்பதாக கூறப்படுகிறது.
