தெலுங்கில், சிரஞ்சீவி நடித்து வரும் படம் ‘சைரா நரசிம்ம ரெட்டி’. சுரேந்தர் ரெட்டி இயக்கத்தில் வரலாற்று பின்னணியில் மிக பிரமாண்டமான பட்ஜெட்டில் உருவாகி வரும் இந்த படத்தில் அமிதாப் பச்சன், சுதீப், விஜய்சேதுபதி உள்ளிட்டோர் மிக முக்கியமான கதாபாத்திரங்களில் நடித்துள்ளனர். நயன்தாரா கதாநாயகியாக நடித்துள்ளார். ராம்சரண் இந்த படத்தை தயாரித்து வருகிறார்.
நடிகர்கள் அமிதாப்பும் சுதீப்பும், தங்களது போர்ஷனை முடித்துவிட்டு படக்குழுவினரிடம் விடைபெற்றனர். இதுகுறித்து அமிதாப் தனது டுவீட்டில், “ஒரு படத்தை முடித்துவிட்டேன். நாளை இன்னொரு படத்தில் படப்பிடிப்பு துவங்குகிறது. எப்போதும் வேலை இருப்பது நன்றாகவே இருக்கிறது” என குறிப்பிட்டுள்ளார்
அமிதாப்புடன் இணைந்து நடித்த அனுபவம் குறித்து சுதீப் தனது டுவிட்டர் பக்கத்தில், “தன் வாழ்நாளில் மிகப்பெரிய பகுதியை சினிமா மூலம் நம்மை உற்சாகப்படுத்துவதற்காகவே செலவிட்ட மிகப்பெரிய ஜாம்பவானுடன், பத்து ஆண்டுகளுக்கு பின்பு மீண்டும் இணைந்து நடித்தது மகிழ்ச்சி” எனக் குறிப்பிட்டுள்ளார்.
பத்து ஆண்டுகளுக்கு முன்பு ‘ரான்’ என்கிற படத்தில் அமிதாப்புடன், சுதீப் இணைந்து நடித்திருந்தார் என்பது குறிப்பிடத்தக்கது.
