அஜித்தை வைத்து தொடர்ச்சியாக வீரம், வேதாளம், விவேகம், விஸ்வாசம் என நான்கு படங்களை இயக்கிவிட்டார் சிவா. சமீபத்தில் வெளியான விஸ்வாசம் ரசிகர்களிடம் வரவேற்பை பெற்றுள்ளது. தற்போது பிங்க் படத்தின் ரீ-மேக்கில் அஜித் நடிக்க உள்ளார். வினோத் இயக்குகிறார்.
இந்நிலையில் சமீபத்தில் ஒரு பேட்டியில் சிவா கூறும்போது, அஜித்தை வைத்து தொடர்ந்து நான்கு படங்கள் இயக்கியது பெருமையாகவும், மகிழ்ச்சியாகவும் உள்ளது. அவரை வைத்து இன்னும் நிறைய படங்கள் இயக்க ஆசைப்படுகிறேன்.
அடுத்து அவருடன் நான் பண்ணும் படம் சரித்திர படமாக இருக்கும், அதற்கான கதையை அஜித்திடம் சொல்லியிருக்கிறேன். நிச்சயம் எதிர்காலத்தில் அது நடக்கும் என்கிறார்.
