உதயநிதி ஸ்டாலின் நடிப்பில் ‘கண்ணே கலைமானே’ என்ற படத்தை இயக்கியுள்ள சீனுராமசாமி அடுத்து சமுத்திரக்கனியுடன் இணைகிறார். ‘கண்ணே கலைமானே’ படத்தின் இறுதிகட்ட பணிகள் விறுவிறுப்பாக நடந்து வருகிறது.
விரைவில் வெளியாகும் இந்த படத்தை தொடர்ந்து சீனுராமசாமி தனது அடுத்த பட வேலைகளை துவங்கி விட்டார். சீனுராமசாமி அடுத்து இயக்கும் படத்தில் சமுத்தரக்கனி ஹீரோவாக நடிக்க இருக்கிறார்.
‘விரைவில் சகோதரர் சமுத்திரகனி நடிக்க, நான் இயக்க இணைவதென முடிவானது ‘ என்று இது குறித்து இயக்குனர் சீனுராமசாமி குறிப்பிட்டுள்ளார். இந்த படம் சமூகத்துக்கு அவசியமான கருத்துக்களை சொல்லும் படமாக இருக்குமாம்.
ஒரு படத்தை முடித்த பிறகு அடுத்தப்பட வாய்ப்பு வராமல் காலவிரயம் ஏற்படுவதால், ஒரு படம் தயாரிப்பில் இருக்கும்போதே அடுத்தப்படத்தை இயக்கும் வாய்ப்பை தயார் செய்ய ஆரம்பித்துவிட்டார் சீனுராமசாமி.
