ஏ.ரி.பீ பைனல்ஸ் (ATP Finals) டெனிஸ் தொடரின் சம்பியன் பட்டத்தை பல்கேரிய வீரர் கிறகர் திமித்ரோவ் வெற்றிகொண்டுள்ளார்.முதல் முறையாக இந்த தொடரில் திமித்ரோவ் பங்கேற்றிருந்ததுடன், இறுதிப் போட்டியில் பெல்ஜிய வீரர் டேவிட் கொஃபினை அவர் தோற்கடித்துள்ளார்.
லண்டனில் நடைபெற்ற இறுதிப் போட்டியின் முதல் செட்டை 7 க்கு 5 என்ற புள்ளிகள் கணக்கில் திமித்ரோவ் கைப்பற்றிய போதிலும் இரண்டாவது செட்டை கொஃபின் தன்வசப்படுத்தினார்.
எனினும் சுதாகரித்து விளையாடிய திமித்ரோவ் தீர்மானமிக்க மூன்றாவது சுற்றை 6 க்கு 3 என்ற புள்ளிகள் கணக்கில் கைப்பற்றி, சம்பியன் பட்டத்தை தன்வசப்படுத்தினார்.
குழு நிலைப் போட்டிகள், அரையிறுதி மற்றும் இறுதிப் போட்டி என தொடர்ச்சியாக ஐந்து போட்டிகளில் கிறகர் திமித்ரோவ் வெற்றியீட்டியுள்ளார்.
இந்தப் தொடரின் சம்பயன் பட்டத்தை வெற்றிகொண்டன் மூலம் 1 தசம் 9 மில்லியன் பவுண்ஸ் பெறுமதியான பரிசையும் அவர் வெற்றிகொண்டுள்ளார்.
கிரான்ஸ்லாம் தொடர்களுக்கு அடுத்தபடியாக அதிமுக்கியத்துவம் வாய்ந்த தொடராக ஏ.ரி.பீ பைனஸ் டென்னிஸ் போட்டிகள் காணப்படுகின்றமை குறிப்பிடத்தக்கது.
