ஆஸ்திரேலியாவுக்கு எதிரான ஆஷஸ் டெஸ்ட் போட்டியை இங்கிலாந்து பெண்கள் அணி ‘டிரா’ செய்தது.
ஆஸ்திரேலியா சென்றுள்ள இங்கிலாந்து பெண்கள் அணி, ஒரே ஒரு ஆஷஸ் டெஸ்ட் போட்டியில் (பகலிரவு) பங்கேற்றது. சிட்னியில் நடந்த இப்போட்டியின் முதல் இன்னிங்சில் இங்கிலாந்து 280, ஆஸ்திரேலியா 449/9 (‘டிக்ளேர்’) ரன்கள் எடுத்தன. மூன்றாம் நாள் முடிவில், 2வது இன்னிங்சில் இங்கிலாந்து அணி, விக்கெட் இழப்பின்றி 40 ரன்கள் எடுத்திருந்தது.
நான்காம் நாள் முடிவில், 2வது இன்னிங்சில் இங்கிலாந்து அணி 2 விக்கெட்டுக்கு 206 ரன்கள் எடுத்திருந்தது. ஹீதர் நைட் (79), ஜார்ஜியா எல்விஸ் (41) அவுட்டாகாமல் இருந்தனர். இதனையடுத்து இப்போட்டி ‘டிரா’ என அறிவிக்கப்பட்டது. ஆட்ட நாயகி விருதை, இரட்டை சதம் கடந்த ஆஸ்திரேலியாவின் எல்லிஸ் பெர்ரி, வென்றார்.
