கவுதம் மேனன் இயக்கத்தில் விக்ரம் நடித்து வரும் படம் துருவநட்சத்திரம். விக்ரமுடன் ரீது வர்மா, ஐஸ்வர்யா ராஜேஷ் நடிக்கிறார்கள். தர்புகா சிவா இசை அமைக்கிறார். படத்தை பற்றிய சில துளிகள்
துருவநட்சத்திரம் ஒரு பக்கா ஆக்ஷன் படம். நாட்டின் பாதுகாப்பிற்காக கப்பல்படை, விமானப்படை, தரைப்படை உளவுப்படை இருப்பது போன்று இன்னொரு படையும் இருக்கிறது. அவர்கள் மிகமிக ரகசியமானர்கள். நாட்டு நன்மைக்காக அரசு கொடுக்கும் அசைன்மென்ட்டை கச்சிதமாக செய்து முடிப்பார்கள். சாதாரண மக்களைப்போல வாழ்வார்கள். அவர்களில் 10 பேர் கொண்ட குழு செய்து முடிக்கும் ஒரு அசைன்மென்ட்தான் படம். அந்த குழுவின் முக்கிய அதிகாரியாக வருகிறார் விக்ரம்.
துருக்கி, ஜார்ஜியா, ஸ்லோவேனியா உள்பட பல நாடுகளில் 50 நாட்கள் படமாகி உள்ளது.
40 வயது விக்ரமை 28 வயது ரீது வர்மா காதலிக்கிறார். இந்த காதல் இதுவரை சொல்லப்படாத விதத்தில் சொல்லப்படுகிறது.
ஐஸ்வர்யா ராஜேஷ் வித்தியாசமான கேரக்டரில் நடிக்கிறார்.
சிம்ரன், ராதிகாவும் முக்கிய கேரக்டரில் நடிக்கிறார்கள். இவர்கள் தவிர டிடி, ப்ரீத்தி மாயா, வேட்டையாடு விளையாடு படத்தில் வில்லனாக நடித்த சலீம், வம்சி ஆகியோரும் நடிக்கிறார்கள்.
படத்தில் வில்லனாக நடிப்பவர் பற்றி சஸ்பென்சாக வைத்திருக்கிறார்கள். சினிமா தவிர்த்த வெளியிடத்தில் மிகவும் பாப்புலரானவராம் அவர். அதே போல இன்னொரு முக்கியமான நடிகரும் நடிக்கிறார்.
படத்தை பல பாகங்களாக இயக்க திட்டமிட்டிருக்கிறார் கவுதம் மேனன். இரண்டாம் பாகத்தில் இதே நடிகர் நடிகைகள் நடிக்க இருக்கிறார்களாம்.
