பாலாஜி மோகன் இயக்கத்தில், தனுஷ், சாய் பல்லவி நடிக்கும் ‘மாரி 2’ படத்தில் இரண்டாவது நாயகனாக நடிக்க கிருஷ்ணா ஒப்பந்தம் செய்யப்பட்டுள்ளார்.
கிருஷ்ணா நடித்த ‘கழுகு’ படத்தைத் தவிர வேறு எந்த படங்களும் அவருக்குப் பெரிய பேரை வாங்கித் தந்ததில்லை. ‘யாமிருக்க பயமே’ படம் கதைக்காகத்தான் ஓடியது. மற்றபடி கிருஷ்ணா பெரும்பாலும் தோல்விப் படங்களில் தான் நடித்திருக்கிறார்.
இருந்தாலும் அந்த ராசி எல்லாம் பார்க்காமல் தனுஷ், கிருஷ்ணாவை ‘மாரி 2’ படத்தின் இரண்டாவது நாயகனாக ஒப்பந்தம் செய்திருப்பது தான் பலரையும் வியக்க வைத்துள்ளது.
எப்படியோ, ‘மாரி 2’ படத்திலாவது மீட்டருக்கு மேல் நடிக்காமல் யதார்த்தமாக நடித்து கிடைத்த வாய்ப்பை கிருஷ்ணா சரியாகப் பயன்படுத்திக் கொள்ளட்டும்.
