ஆரண்ய காண்டம் படத்தின் மூலம் சினிமாவுக்கு வந்தவர் குரு சோமசுமந்தரம். அதன்பிறகு பாண்டியநாடு, ஜிகிர்தண்டா, தூங்காவனம், யாக்கை, குற்றமே தண்டனை, உள்பட பல படங்களில் நடித்தார். வஞ்சகர் உலகம், ஜோக்கர் படங்களில் கதையின் நாயகனாக நடித்தார். தற்போது மாமனிதன், அசுரன் படங்களில் நடித்து வருகிறார்.
இந்த நிலையில் குரு சோம சுந்தரம் ஜீ5 நிறுவனம் தயாரிக்கும் டாப்லெஸ் என்ற வெப் சீரிசில் ஹீரோவாக நடிக்கிறார். அவருடன் பாண்டியநாடு படத்தில் வில்லனாக நடித்த ஹரிஷ் உத்தமன், கோலமாவு கோகிலா மற்றும் மாநகரம் போன்ற படங்களில் வில்லனாக நடித்த அருண் அலெக்சாண்டர், சென்னை டு சிங்கப்பூர் எனும் படத்தின் கதாநாயகன் கோகுல் ஆனந்த் ஆகியோரும் நடிக்கிறார்கள். ஜெய் மற்றும் அஞ்சலி நடித்த பலூன் திரைப்படத்தை இயக்கிய சினீஷ் இணைந்து தயாரிக்கிறார். தினேஷ் மோகன் இயக்குகிறார்.
