2012ல் மலையாளத்தில் மோகன்லால் ஹீரோவாக நடிக்க, இயக்குனர் ஜீத்து ஜோசப் இயக்கத்தில் வெளியாகி சூப்பர் ஹிட்டான படம் ‘த்ரிஷ்யம்’. இந்த படத்தின் வெற்றியை தொடர்ந்து கிட்டத்தட்ட ஏழு ஆண்டுகள் கழித்து மீண்டும் இவர்கள் இருவரும் ‘ராம்’ என்கிற படத்திற்காக இணைந்துள்ளனர். திரிஷா இந்தப்படத்தில் முதன்முறையாக மோகன்லாலுடன் இணைந்து நடித்து வருகிறார். இந்தப்படத்தில் மோகன்லால் இரண்டு வேடங்களில் நடிப்பதாக தற்போது ஒரு தகவல் கசிந்துள்ளது.
கடந்த சில நாட்களுக்கு முன்பு வரை வெளியான ராம் படத்தின் புகைப்படங்களில் மோகன்லாலின் ஹேர் ஸ்டைல் வேறு மாதிரியாகவும், தற்போது த்ரிஷாவும் மோகன்லாலும் இணைந்து நடிக்கும் காட்சிகளில் வேறு மாதிரியாகவும் இருப்பது இதை உறுதி செய்கிறது. இல்லையென்றால் படத்தில் பிளாஷ்பேக் காட்சியில் மோகன்லால் இன்னொரு கெட்டப்பில் நடிப்பதாக கூட இருக்கலாம் என்றும் சொல்லப்படுகிறது.
