91-வது எம்சிசி-முருகப்பா தங்கக் கோப்பை ஹாக்கியில் நேற்று நடைபெற்ற ஆட்டம் ஒன்றில் ஹாக்கி பெங்களூரு அணி 3-0 என்ற கோல் கணக்கில் பஞ்சாப் மற்றும் சிந்து வங்கி அணியை வீழ்த்தியது.
சென்னை எழும்பூரில் உள்ள மேயர் ராதாகிருஷ்ணன் மைதானத்தில் நடைபெற்று வரும் இந்த தொடரில் 5-வது நாளான நேற்று நடைபெற்ற முதல் ஆட்டத்தில் பெங்களூரு – பஞ்சாப் மற்றும் சிந்து வங்கி அணிகள் மோதின. இதில் பெங்களூரு அணி 3-0 என்ற கோல் கணக்கில் வெற்றி பெற்றது. அந்த அணி தரப்பில் ரகுநாத், சந்தீப் சிங் , ராஜ்குமார் பால் ஆகியோர் தலா ஒரு கோல் அடித்தனர். மற்றொரு ஆட்டத்தில் இந்தியன் ரயில்வே அணி 4-0 என்ற கோல் கணக்கில் தமிழக அணி வீழ்த்தியது.
