ஆஸ்திரேலிய கிரிக்கெட் அணி, வங்க தேசத்துக்குச் சுற்றுப் பயணம் மேற்கொண்டு இரண்டு டெஸ்ட் போட்டிகள் கொண்ட தொடரை விளையாடி வருகிறது. இதில் முதல் டெஸ்ட் போட்டி தற்போது பரபரப்பான கட்டத்தை எட்டியுள்ளது.
கடந்த 27-ம் தேதி தொடங்கிய முதல் டெஸ்ட் போட்டிக்கான டாஸை வென்ற வங்க தேசம் அணி, பேட்டிங் ஆட நிர்ணயித்தது. இதையடுத்து முதல் இன்னிங்ஸில் வங்க தேசம், 260 ரன்கள் எடுத்தது. பின்னர் இரண்டாம் இன்னிங்ஸை தொடங்கிய ஆஸ்திரேலியா, 217 ரன்களுக்கு ஆட்டம் இழந்தது. இரண்டாம் இன்னிங்ஸில் வங்க தேசம் 221 ரன்களுக்கு ஆல் அவுட் ஆனது. இதையடுத்து 265 ரன்கள் எடுத்தால் வெற்றி என்ற இலக்குடன் களம் இறங்கிய ஆஸ்திரேலியா, மூன்றாவது நாள் ஆட்ட முடிவில் 2 விக்கெட்டுகளை இழந்து 109 ரன்கள் எடுத்து களத்தில் தொடர்ந்து விளையாடி வருகிறது. டேவிட் வார்னர் 75 ரன்களுடனும் கேப்டன் ஸ்டீவ் ஸ்மித் 25 ரன்களுடனும் நாளை ஆட்டத்தை தொடங்க உள்ளனர். எப்படியும் போட்டிக்கான முடிவு உறுதியாகிவிட்ட நிலையில் இக்கட்டான சூழலை ஆஸ்திரேலியா – வங்க தேச டெஸ்ட் எட்டியுள்ளது.
