பிச்சைக்காரன் வெற்றிக்கு பிறகு சசி இயக்கும் படம் சிவப்பு மஞ்சள் பச்சை. சித்தார்த், ஜி.வி.பிரகாஷ், லிஜிமோல் ஜோஸ், காஷ்மீரா பர்தேசி, ஆகியோர் நடித்துள்ளனர். சித்தார்த் டிராபிக் கான்ஸ்டபிளாகவும், ஜி.வி.பிரகாஷ் பைக் ரேசராகவும் நடித்துள்ளனர். இருவருக்குள்ளும் நடக்கும் மோதல் தான் கதை.
போக்குவரத்து விதிமுறைகள் எவ்வளவு முக்கியமானது என்பதை சொல்லும் படம். செப்., 6ந் தேதி படம் வெளிவருவதாக அறிவிக்கப்பட்டிருந்தது. படத்தின் அறிமுக நிகழ்ச்சி நடப்பதாக இரு முறை அறிவிக்கப்பட்டு தள்ளி வைக்கப்பட்டது. இப்போது மேலும் ஒரு வாரம் தள்ளி வைத்திருக்கிறார்கள். வருகிற 12ந் தேதி வெளிவரும் என்று தெரிகிறது.
தனுஷ் நடித்த என்னை நோக்கி பாயும் தோட்டா, ஆர்யா நடித்த மகாமுனி என்ற இரு பெரிய படங்கள் வெளிவருவதால். இந்தப் படத்திற்கு எதிர்பார்த்த தியேட்டர்கள் கிடைக்காததால் படத்தை ஒரு வாரம் தள்ளி வைத்ததாக தயாரிப்பு வட்டார தகவல்கள் தெரிவிக்கின்றன
