பார்த்திபன் தயாரித்து, இயக்கி, நடித்துள்ள படம் ‛ஒத்த செருப்பு சைஸ் 7′. இதில் அவர் மட்டுமே நடித்துள்ளார். ஒருவர் மட்டுமே நடித்துள்ள படங்கள் நிறைய வந்திருந்தாலும் ஒருவரே கதை, திரைக்கதை, வசனம் எழுதி, இயக்கி, நடித்திருப்பது இதுவே முதல் முறை. படத்திற்கு ராம்ஜி ஒளிப்பதிவு செய்துள்ளார். ரசூல் பூக்குட்டி ஒலிப்பதிவு செய்துள்ளார், சந்தோஷ் நாராயணன் இசை அமைத்துள்ளார்.
இந்தப் படத்தை அமீர்கான் முதல் ரஜினிகாந்த் வரை பாராட்டி உள்ளனர். சிங்கப்பூரில் நடந்த ஆசிய சர்வதேச திரைப்பட விழாவிலும் திரையிடப்பட்டு பாராட்டுகளை பெற்றிருக்கிறது. இந்தப் படம் வருகிற 20ந் தேதி வெளிவர இருப்பதாக பார்த்திபன் தனது டுவிட்டர் பதிவில் தெரிவித்திருக்கிறார். டுவிட்டரில் அவர் எழுதியிருப்பதாவது:
பிரம்ம முகூர்த்தத்தில் பிரார்த்தனைகளுடன் வெளியிடுகிறேன்…. ஒத்த செருப்பு சைஸ் 7 வெளியாகும் தேதியை … செப்டம்பர் 20 உலகமெங்கும் என்று தெரிவித்துள்ளார்.
