2019ம் ஆண்டின் கடைசி காலாண்டை நோக்கி சென்று கொண்டிருக்கிறோம். கடந்த ஆகஸ்ட் மாதத்தில் வெளிவந்த படங்களில் ‘கோமாளி’ படம் குறிப்பிடத்தக்க வெற்றியைப் பெற்ற நிலையில் இந்த செப்டம்பர் மாதத்தின் முதல் வெளியீடுகள் வரும் 6ம் தேதி வெள்ளிக்கிழமை வர உள்ளது. இந்த வாரப் போட்டியில் “எனை நோக்கி பாயும் தோட்டா, மகாமுனி, ஜாம்பி’ ஆகிய படங்கள் உள்ளன.
கவுதம் மேனன் இயக்கத்தில் தனுஷ், மேகா ஆகாஷ், சசிகுமார் மற்றும் பலர் நடித்துள்ள ‘எனை நோக்கி பாயும் தோட்டா’, நீண்ட தாமதத்திற்குப் பின் வெளிவருகிறது. அந்த தாமதம் படத்தின் வெற்றியை பாதிக்குமா என்பதுதான் கேள்வி.
‘மௌனகுரு’ படத்தை இயக்கிய சாந்தகுமார் நீண்ட இடைவெளிக்குப் பிறகு இயக்கியுள்ள படம் ‘மகாமுனி’. ஆர்யா, இந்துஜா, மகிமா நம்பியார் மற்றும் பலர் நடித்திருக்கிறார்கள். ‘மௌனகுரு’ நல்ல விமர்சனத்தைப் பற்ற படம். அது போல ‘மகாமுனி’க்கும் கிடைக்கும் என எதிர்பார்க்கலாம்.
யோகிபாபு கதாநாயகனாக நடித்து இதற்கு முன்பு வெளிவந்த ‘தர்மபிரபு, கூர்கா’ ஆகிய படங்கள் வசூல் ரீதியாக வெற்றி பெற்ற படங்கள் எனச் சொல்கிறார்கள். அடுத்து யோகி பாபு நாயகனாக நடித்துள்ள ‘ஜாம்பி’ படம் வருகிறது. இந்தப் படத்தை புவன் நல்லான் இயக்கியிருக்கிறார்.
