சினிமா பிரபலங்கள் என்ன செய்தாலும் அதை எப்படியாவது ஒரு பரபரப்புக்குக் கொண்டு வருவது சிலரது வழக்கமாக உள்ளது. இந்த சோஷியல் மீடியா காலத்தில் அது அதிகமாகவே பரவி விடுகிறது.
தமிழ், தெலுங்குப் படங்களில் முன்னணி நடிகைகளில் ஒருவராக இருக்கும் ரகுல் ப்ரீத் சிங் மும்பையில் வசித்து வருகிறார். அவரது வீட்டிற்கு அருகில் உள்ள ஒரு மருந்துக் கடையில் அவர் டானிக் உள்ளிட்ட சில மருந்துகளை வாங்கியிருக்கிறார்.
ரகுல் மாஸ்க் அணிந்த நிலையிலும் அது ரகுல் தான் என கண்டுபிடித்த ஒருவர் அதை வீடியோ எடுத்து சமூக வலைத்தளத்தில் பதிவிட்டார். ஆனால், ரகுல், மருந்துக் கடையிலிருந்து மருந்து வாங்கினார் என்று சொல்வதற்குப் பதிலாக மதுக் கடையிலிருந்து மது வாங்கினார் என சில செய்தியை வெளியிட்டு பரபரப்பை ஏற்படுத்தி உள்ளார்கள்.
ஒருவர் தன்னை வீடியோ எடுப்பதை கடைசியாகக் கவனித்த ரகுல் , ஏன் …என்று கேட்டபடியே நகர்ந்துள்ளார்.
