சிறந்த ஹிந்தி வார்த்தை ஆதாருக்கு கவுரவம்

ஆதார்’ கடந்த, 2017ல், ஆக்ஸ்போர்டு அகராதியின் சிறந்த ஹிந்தி வார்த்தையாக தேர்வு செய்யப்பட்டுள்ளது.

ஆதார் அடையாள அட்டை, நாடு முழுவதும், 120 கோடி பேருக்கு வழங்கப்பட்டுள்ளது. இந்த வார்த்தையை கேட்டிராத மக்களே இல்லை எனலாம். இந்நிலையில், ராஜஸ்தான் மாநிலம், ஜெய்ப்பூரில், இலக்கிய திருவிழா நடந்து வருகிறது. அப்போது, பத்திரிகையாளர், சவுரவ் திவிவேதி கூறியதாவது:ஆதார் 2017ல், ஆக்ஸ்போர்டு அகராதியின் சிறந்த ஹிந்தி வார்த்தையாக தேர்வு செய்யப்பட்டுள்ளது.

‘மித்ரன், நோட்பந்தி, காவ் – ரக் ஷக்’ போன்ற வார்த்தைகளும், இந்த சிறப்பை பெறுவதற்காக பரிசீலிக்கப்பட்டன.இருப்பினும், பிற வார்த்தைகளை விட, ஆதார், நாடு முழுவதும் பரவலாக விவாதிக்கப்பட்ட வார்த்தையாக இருந்ததால், அதற்கு, 2017ன், சிறந்த ஹிந்தி வார்த்தை என்ற அங்கீகாரம் கிடைத்துள்ளது.இவ்வாறு அவர் கூறினார்.