இங்கிலாந்தில் வசித்த இந்தியா வம்சாவளியை சேர்ந்தவரை, அமெரிக்கா சர்வதேச பயங்கரவாதிகள் பட்டியலில் இணைத்துள்ளது.
இங்கிலாந்தில் வசித்த இந்தியா வம்சாவளி குடும்பத்தில் பிறந்தவர் சித்தார்த்தா தார். தனது இளம் வயதில் முஸ்லிமாக மதம் மாறி, அபு ருமாய்சா என பெயர் மாற்றி கொண்டார். தொடர்ந்து அவர், தனது மனைவியுடன் சிரியா சென்று ஐஎஸ் பயங்கரவாத அமைப்பில் இணைந்தார்.
அந்த அமைப்பில் முக்கிய பொறுப்புகளை வகித்த அவர், முகமூடி அணிந்து, இங்கிலாந்துக்கு ஆதரவாக உளவுபார்த்ததாக கூறி பலரை கொலை செய்து அதனை வீடியோவை வெளியிட்டார்.
இதனையடுத்து அவரை அமெரிக்க வெளியுறவு அமைச்சகம் தடை செய்யப்பட்ட பயங்கரவாதிகள் பட்டியலில் இணைத்துள்ளது. இதன் மூலம் அவரது சொத்துகள் முடக்கப்படுவதுடன், அவருடன் யாரும் தொடர்பு வைத்து கொள்ளவும் தடை செய்யப்பட்டுள்ளது.
