ஆபத்தில் முடிந்த விபரீத விபத்து! – மகிழுந்து மோதி நபர் பலி!!

திங்கட்கிழமை நபர் ஒருவர் மகிழுந்து மோதி உயிரிழந்துள்ளார். தன் நண்பருடன் விபரீத விளையாட்டு ஒன்றில் ஈடுபட்டதன் முடிவில் இச்சம்பவம் இடம்பெற்றுள்ளது.

கிருஸ்துமஸ் தினத்தின் காலையில் பிரான்ஸ் Montpellier இல் இச்சம்பவம் இடம்பெற்றுள்ளது. மேலதிக தகவல்கள் எதுவும் கிடைக்கப்பெறாத நிலையில், தன் நண்பருடன் மேற்கொண்ட மகிழுந்து பந்தயத்தின் முடிவில் 27 வயதுடைய நபர் உயிரிழந்துள்ளார். 20 வயதுடைய நபர் காவல்துறையினரால் கைது செய்யப்பட்டுள்ளார். இவர் உயிரிழந்தவரின் நண்பர் என தெரிவிக்கப்பட்டுள்ளது. அதிவேகமாக வந்த மகிழுந்து நின்றிருந்த நபரை இடித்து தாள்ளியுள்ளதாக தெரிவிக்கப்பட்டுள்ளது.

அப்பகுதியில் அமைந்துள்ள கிருஸ்துமஸ் சந்தையில் இருந்து காவல்துறையினருக்கு தகவல் தெரிவிக்கப்பட்டுள்ளதாகவும், காவல்துறையினர் விசாரணைகளை மேற்கொண்டு வருவதாகவும் தெரிவிக்கப்பட்டுள்ளது.