முன்னாள் ஜனாதிபதி மகிந்த ராஜபக்ச தலைமையில் நடைபெற்ற மே தினக் கூட்டத்தில் லட்சக் கணக்கான மக்கள் கலந்து கொண்டு, ஊர்வலத்தில் பங்கு பெற்றுள்ளனர்.
நேற்றைய தினம் நடந்த இந்தக் கூட்டத்தில் இரண்டு பேர் உயிரிழந்தனர் என்று செய்திகள் வெளியாகியிருந்தன.
இந்நிலையில் குறித்த இருவரின் இறுதிச் சடங்கிலும் முன்னாள் ஜனாதிபதி மகிந்த ராஜபக்ச கலந்து கொண்டு அஞ்சலி செலுத்தியுள்ளார்.
இதேவேளை, மரணமடைந்தவர்கள் தொடர்பில் வெளியாகியுள்ள மருத்துவ அறிக்கையில், கூட்டத்தில் கலந்து கொண்ட இவர்களுக்கு மாரடைப்பு ஏற்பட்டுள்ளது.
குறிப்பாக, கூட்டத்தில் கலந்து கொண்டவர்களுக்கு சரியான காற்று மற்றும், சுவாசப் பிரச்சினை ஏற்பட்டுள்ளது. இதனால் மாரடைப்பு ஏற்பட்டதாக தெரியவருகிறது.
தவிர, நேற்றைய கூட்டத்தின் போது வெப்பம் மற்றும் களைப்புக் காரணமாக ஐந்து பேர் தேசிய மருத்துவமனையில் அனுமதிக்கப்பட்டிருந்தனர்.
எனினும் இரண்டு பேர் மருத்துவமனையில் அனுமதிக்கப்பட முன்னரே உயிரிழந்தனர் என வைத்தியசாலை தகவல்கள் தெரிவிக்கின்றன.
