காலி – மாத்தறை பிரதான வீதியிலுள்ள வெலிகம நகரில் இடம்பெற்ற வாகன விபத்தொன்றில் ஒருவர் உயிரிழந்துள்ளதாக பொலிஸார் தெரிவித்துள்ளனர்.
மோட்டர் சைக்கிள் ஒன்று பாதையில் நடந்து சென்றுகொண்டிருந்த ஒருவரின் மீது மோதியதனால் இந்த விபத்து சம்பவம் ஏற்பட்டுள்ளது.
சம்பவத்தில் காயமடைந்தவர் வலான வைத்தியசாலையில் அனுமதிக்கப்பட்டதன் பின்னர், மேலதிக சிகிச்சைக்காக மாத்தறை வைத்தியசாலைக்கு எடுத்துச் செல்லப்பட்ட போது உயிரிழந்துள்ளதாக பொலிஸார் குறிப்பிட்டுள்ளனர்.
மிதிகலயைச் சேர்ந்த 72 வயதுடைய ஒருவரே இவ்வாறு உயிரிழந்துள்ளார். விபத்தை ஏற்படுத்திய மோட்டார் சைக்கிள் சாரதி தப்பியோடியுள்ளதாகவும், அவரைத் தேடும் நடவடிக்கையை வெலிகம பொலிஸார் மேற்கொண்டு வருவதாகவும் கூறப்படுகின்றது.
