முல்லைத்தீவு வற்றாப்பளை பகுதியை சேர்ந்த முன்னாள் போராளி ஒருவர் உயிரிழந்துள்ளதாக தெரிவிக்கப்படுகின்றது.

சுகவீனம் காரணமாக திருகோணமலை குச்சவெளி வைத்தியசாலையில் அனுமதிக்கப்பட்டு சிகிச்சை பெற்று வந்த நிலையில் சிகிச்சைக்குப் பலனின்றி உயிரிழந்துள்ளதாக தெரிவிக்கப்படுகின்றது.

முல்லைத்தீவு வற்றாப்பளையை சேர்ந்த 26 வயதான இராசதுரை திக்சன் என்ற இளைஞனே உயிரிழந்துள்ளார்.

குறித்த இளைஞன் 2009 ஆம் ஆண்டு இறுதிக்கட்ட போரின் பின்னர் இராணுவத்தினரால் வெலிக்கந்தை, திருகோணமடு புனர்வாழ்வு முகாமில் தடுத்து வைக்கப்பட்டிருந்த நிலையில் இரண்டரை வருடங்களின் பின்னர் விடுதலை செய்யப்பட்டிருந்தார் என்று தெரிவிக்கப்பட்டுள்ளமை குறிப்பிடத்தக்கது.